I Thessalonied 1

₁Paol, ha Silvan, ha Timoteus, da Iliz an Thessalonied, en Doue an Tad, hag en Aotrou Jesus‐Christ. Gras ha peoc’h digant Doue, hon Tad, hag an Aotrou Jesus‐Christ.

₂Renta a reomp bepred grasou da Zoue evidoc’h holl, oc’h ober memor ac’hanoc’h en hor pedennou; ₃o kaout sonj bepred, dirag Doue hon Tad, euz a œuvrou ho feiz, euz a labouriou ho karantez, hag euz an nerzeuzhoc’h esperans, en hon Aotrou Jesus‐Christ; ₄oc’h anaoud, breudeur muia‐karet gant Doue, ar choaz a zo bet great ac’hanoc’h. ₅Rag hon Aviel n’eo ket bet evidoc’h en komzou hep‐ken, mes beza e oa ive galloud assambles ganthan, hag ar Spered‐Santel, hag eun abondans vraz a breuvennou; c’houi hoc’h‐unan a oar penaos omp bet en em gomportet en ho touez, hag abalamour deoc’h.

₆Hag ez oc’h bet henvel ouzomp‐ni, hag ouz an Aotrou, dre m’oc’h euz recevet ar ger gant joa ar Spered‐Santel, e‐kreiz kalz a afflictionou; ₇en hevelep doare ma’z oc’h deuet da veza skoueriou d’ar re holl ho deuz credet, er Macedonia hag en Akaia. ₈Rag, n’eo ket a‐walc’h ma vez bet klevet ger an Aotrou euz ho pro er Macedonia hag en Akaia, mes ar feiz hoc’h euz en Doue a zo bet anavezet en pep leac’h, en hevelep doare n’hon euz ket ezom da gomz a gement‐se. ₉Rag ho‐unan e leveront pebez digemer hon euz bet diganeoc’h, ha penaos ez oc’h distroet euz an idolou da Zoue, evit servicha an Doue beo ha gwirion, ₁₀hag evit gortoz euz an env he Vab, pehini a zo bet resussitet ganthan a‐douez ar re varo, Jesus, pehini a zelivr ac’hanomp euz ar goler da zond.