CHAB. XII.
1HAG an Aotrou hen doa lavaret da Abram: Kea er meaz euz da vro, lez da gerentiez ha ti da dad, ha deuz etrezeg ar vro a ziskouezin d’id.
2Ha me a lakai ac’hanoud da zond da veza eur bobl vraz, hag e roin va bennoz dïd, hag e lakin da hano da veza bruded braz hag e vezi eur vennoz d’ar re all.
3Ha me a roio va bennoz d’ar re a vennigo ac’hanoud, ha va malloz d’ar re a lako malloz var-n’oud, hag an holl famillou euz an douar a vezo benniget dre enoud.
4Abram a ieaz eta kuit, evel m’hen doa gourc’he-menet an Aotrou d’ezhan ha Lot a ieaz ganthan. Hag Abram a oa oajet a bemzeg vloaz ha ni-ugent pa ieaz kuit euz Charan.
5Hag Abram a gemeraz Saraï he c’hreg, ha Lot, mab d’he vreur, hag an holl vadou ho doa gounezet, hag an dud ho doa prenet e Charan; hag en em lakjont en hent evit mond da vro Canaan; hag e c’harrujont e bro Canaan.
6Hag Abram a dreuzaz ar vro beteg al leac’h hanvet Sichem, beteg ar vezen dero a zo e More. Hogen ar Gananeed a oa c’hoas er vro,
7hag an Aotrou en em ziskouezaz da Abraam, hag a lavaraz d’ezhan: Me a roio ar vro-man d’az lignez! Hag e savaz eno eun aoter d’an Aotrou pehini a oa en em ziskouezet d’ezhan.
8Hag o vond ac’hane etrezeg ar menez, var ar sav-heol da Vethel, e tisplegaz eno he dantennou, etre Bethel er c’huz-heol d’ezhan, hag Aï er zav-heol. Hag e savaz eno eun aoter d’an Aotrou hag en em erbedaz ouz an Aotrou.
9Ha goude-ze Abram a ieaz ac’hane pelloc’h, o vale etrezeg ar c’hreiz-deiz.
10Hogen ar gernez o veza kouezet var ar vro-ze, Abram a ziskennaz en Egypt evit tremen eno eur pennad amzer, rag garo e oa ar gernez dre ar vro.
11Ha pa oa tost da vond var douar an Egypt, e lavaraz da Saraï he c’hreg: Setu aman, gou-zoud a ran ez oud eur plac’h koant meurbed;
12hag e c’hoarvezo, pa ho devezo gwelet an Egyptianed ac hanoud, ma lavarint: Honnez eo he chreg; hag e lazint ac’hanoun-me, mes te a vezo lezet ganthe da veva.
13Lavar, me az ped, ez oud va c’hoar, evit ma vezin deuet-mad abalamour d’id, ha ma sovetain evel-se va buez.
14Ha kerkent ha ma oe arruet Abram en Egypt, an Egyptianed a velaz e oa ar vaouez-ze eur plac’h koant meurbed.
15Hag ar brinsed euz a balez Pharaon a velaz anezhi hag a veulaz anezhi dirag Pharaon, hag e oe digasset ar vaouez da di Pharaon.
16Hag Abraham a oe digemeret-mad abalamour dezhi; ne vankaz d’ezhan, na denved nag eujened, nag azened na servicherien na mitizien, nag azenezed na canvaled.
17Mes an Aotrou a skoaz Pharaon ha tud he di gant gouliou heuzuz meurbed abalamour da Saraï, greg Abram.
18Neuze Pharaon a c’halvaz Abram hag a lavaraz d’ezhan: Na petra ec’h euz-te great d’in-me? Perag n’ec’h euz-te ket discleriet d’in e oa honnez pried d’id?
19Perag ec’h euz-te lavaret: Va c’hoar eo; en hevelep doare ma em euz he c’hemeret evit pried? Breman-ta setu aze da c’hreg, kemer anezhi ha kea kuit.
20Ha Pharaon a roaz gourc’hemen divar he ben d’he dud, hag ar re-man a gassaz anezhan er meaz euz an Egypt, hen, hag he c’hreg ha kement a oa d’ezhan.
