CHAB. XVIII.
1Neüze an Aotrou en em ziskouezaz da Abraham er c’hoat dero Mamre, pa oa azezet e toul dor he danten, e-kreiz tomder an deiz.
2Sevel a reaz he zaou-lagad, hag e sellaz; ha setu ma oa tri den en ho za diraz’han. Kerkent ha ma velaz anezhe, e redaz d’ho c’havoud euz tal dor an danten, hag o stoui beteg an douar,
3e lavaraz: Va Aotrou, mar em euz kavet gras dirag da zaou-lagad, chom aman hiroc’h amzer, me azped, hep mond pelloc’h a-zirag da zervicher.
4Lezit ac’hanoun, me ho ped, da lakaad digas d’ehoc’h eur banne dour, ha goalc’hit ho treid, ha grit eun diskwiz dindan ar vezen-man.
5Ha me a zigasso eun tam boued da rei nerz d’ho kalon, ha goude e c’helloc’h mond adare gant hoc’h hent; rag evit kement-se eo ma’z oc’h tremenet e-kichen ti ho servicher. Hag e leverjont; gra evel m’ec’h euz lavaret.
6Hag Abraham dioc’h-tu o vond en he danten, da gavoud Sara, hag o lavaret d’ezhi: Digas, buhan, tri muzulat bleud fin, mer an toaz ha gra goastellou.
7Neuze Abraham a redaz etrezeg he chatal hag a gemeraz eul leue tener ha mad, hag hen roaz d’he vevel, hag he-man hen lakaz buhan da boazad.
8Neuze e kemeraz amann ha leaz, gant al leue hen devoa lakeat da boazad hag ho zervichaz diraz’he. Hag hen a chome eu he za diraz’he dindan ar vezen.
9Hag e leverjont d’ezhan: E peleac’h ema Sara da c’hreg? Hag e respontaz: Setu hi aze ebarz an danten.
10Hag e lavaraz: Ne vankin ket da zistrei d’az kavoud a-ben eur bloaz; ha setu Sara, da c’hreg he devezo eur mab. Ha Sara a zelaoue e-tal dor an danten, a oa adreg d’ezhan.
11Hogen Abraham ha Sara a oa koz, ha deuet mad var au oad; Sara n’he devoa mui ar pez m’az eo custum ar merc’hed da gaoud.
12Ha Sara a c’hoarzaz enhi he-unau, en eur lavaret: Breman pa’z oun koz daoust ha me em befe ar blijadur-ze! va Aotrou a zo koz ive.
13Hag an Aotrou a lavaraz da Abraham: Perag he deuz c’hoarzet Sara, en eur lavaret: Daoust hag e gwirionez em befe bugale, ken koz evel ma’z oun-me?
14Daoust ha bez’a zo eun dra-benag en tu-all da c’halloud Doue? D’an amzer merket me a zeui adare d’az kavoud, a-beu eur bloaz, ha Sara he devezo eur mab.
15Ha Sara a nac’haz; N’em euz ket c’hoarzet eme-z’hi, rag aoun a deuaz d’ezhi. Mes hen a lavaraz: Eo! c’hoarzet ec’h euz, Sara.
16Hag an tri den-ze a zavaz ac’hane, hag a zellaz etrezeg Sodom; hag Abraham a iea ganthe evit ho hencha.
17Hag an Aotrou a lavaraz: Ha kuzat a rin-me ouz Abraham, ar pez ma’z an da ober,
18hen pehini a dle beza eur bobl vraz ha gal-loudus, ha pa’z eo gwir e vezo benniget enhan holl boblou an douar?
19Rag me am euz he anavezet, evit ma c’hour-c’hemeno d’he vugale ha d’he diegez en he c’houde derc’hel hent an Aotrou, evit ober ar pez a zo just hag eün; evit ma lako an Aotrou da zond da vad kement hen deuz lavaret divar ben Abraham.
20Hag an Aotrou a lavaraz: Sodom ha Gomorrh a zo deuet da veza brudet wall fall hag ho fec’hed a zo grevus meurbed.
21Disken a rin evit gwelet hag int ho deuz great e gwirionez hervez an drouz a zo deuet beteg enoun; ha ma ne ket evel-se, me a ouezo.
22Neuze ar re-man o vond ac’hane a ieaz etrezeg Sodom; mes Abraham en em zalc’haz c’hoas dirag an Aotrou.
23Hag Abraham o tostaad outhan a lavaraz: Ha lakaad a ri da berissa ive an den just kerkoulz hag an den fall?
24Marteze ez euz hanter cant den just ebarz ar gear-ze; hag ho lakaad a ri-te da berissa gant ar re-all; ha na bardoni-te ket d’ar gear-ze abalamour d’an hanter cant den just, mar bent kavet enhi?
25Biken ne ri eun dra evel-se, ma lakai an den just da vervel gant an den fall, en hevelep doare ma vezo tretet an den just evel an den fall. Nann, biken, ne ri an dra-ze! An hini a varn ar bed holl, daoust hag hen na rai ket ar pez a zo just?
26Hag an Aotrou a lavaraz d’ezhan; Mar kavan e Sodom hanter cant deu just, me a bardono d’ar gear holl abalamour d’ezhe.
27Hag Abraham a gomzaz adare, hag a lavaraz: Setu ma kemeran hardizegez da gomz ouz an Aotrou, petra-benag n’ed oun nemed poultren ha ludu.
28Marteze var hanter cant den just e vanko pemp: ha distruja a ri-te ar gear holl, abala-mour ma ranko ar pemp-ze? Hag e respon-taz: Ne zistrujin ket anezhi mar kavan enhi pemp den just ha daou-ugent.
29Hag Abraham a gendalc’haz da gomz outhan, hag a lavaraz: Marteze ne vezo kavet eno nemed daou-ugent? Hag e-lavaraz: N’he distrujin ket abalamour d’an daou-ugent-ze.
30Hag Abraham a lavaraz: Da bedi a ran Aotrou, na fach ket ouz’in, hag e komzin c’hoas: Marteze ne vezo kavet nemed tregont? Hag hen a respontaz: N’he distrujin ket mar kavan tregont.
31Hag Abraham a lavaraz: Setu ma kemeran hardizegez da gomz ouz an Aotrou: Marteze ne vezo kavet nemed ugent? Hag hen a respon-taz: Abalamour d’an ugent-ze n’he distrujin ket.
32Hag Abraham a lavaraz: Da bedi a ran, Aotrou, na fach ket ouz’in, hag e komzin hep-ken eur vech c’hoas. Marteze ne vezo kavet nemed deg? Hag an Aotrou a lavaraz: Abalamour d’an deg-ze n’he distrujin ket.
33Hag an Aotrou a ieaz kuit, pa hen doe achuet da gomz ouz Abraham. Hag Abraham a zistroaz d’he di.
