St. Maheu 18

₁En amzér‐zé en disciplèd e dostas de Jesus, hag e laras tehou: Pihue e vou er brassan é Ranteleah en Nean?

₂Ha Jesus e halhuas ur hroaiduricg, el laquas én ou hreis, hag e laras tehai:

₃E guirioné m’el lare d’oh: Ma ne zistrohet quet ha ma ne zet quet de vout haval doh er vulgalégueu, ne yehet quet de Ranteleah en Nean.

₄Pihue‐benac e za de vout bihan él er hroaiduricqcé, e vou er brassan é Ranteleah en Nean.

₅Hag en nemb e ziguemér ém hanhue ur hroaiduricg él hennen, em diguemér mé memb.

₆Ha guél vehé d’en hani e hrehé en arben‐a‐lam doh unan hemb quin ag er vugalégueu‐zé e grede én‐on, ma vehé staguet ur mein milin doh é houg, ha ma vehé taulet é sôl er môr.

₇Goah aveid er bed dré en arben‐a‐lam! Ret‐é ma vou arbenneu‐a‐lam; goah neoah d’en nemb a béhani é ta en arben‐a‐lam.

₈Mar da enta d’hou troèd pe d’hou tourn bout aveid‐oh un arben‐a‐lam, trohet ind, ha taulet ind pell doh‐oh; guél é monnet ér Baraouis gued un troèd pé un dourn hemp quin, eit bout taulet én Ihuern guet hou teourn ha guet hou treid.

₉Ha mar dé hou lagad un arben‐a‐lam aveid‐oh, tennet ean, ha taulet ean pell doh‐oh; guel é monnet ér Baraouis gued ur lagad hemb quid eit bout taulet en Ihuern guet hou teulegad.

₁₀Dihoallet enta a zisprisein unan hemb quin ag er vugalégueu‐men; rac m’el lare d’oh: én Nean, ou Ælèd e zou perpet dirac me Zad padus a ol viscoah de virhuiquin.

₁₁Rac Mab en Dén e zou deid de salvein er ré péhani e oé collet.

₁₂Petra e chonget‐hui? Mar en dehé en dén cant davad, hag e tehé unan anehai de vout dianquet, ha ne lausquehé quet en nandêc ha puar uiguênt arall, aveid monnet ér manéieu de glasq en hani e zou dianquet.

₁₃Ha mar digoéhé dehou en gavouèt é guirioné mél lare d’oh: Penaus bout e zou muioh a leuiné diarben hennen, aveid diarben en nandêc ha puar uiguent ha ne oent quet bet dianquet.

₁₄El‐cé hou Tad péhani e zou én Nean ne fal quet dehou ma vou collet unan ag er vugalégueu‐men.

₁₅Mæs mar en dès péhed hou prér inemb d’oh, quêrhet, ha tamall anehou étré hui hag ean hemb‐quin. Mar cheleuein e hra doh‐hoh, hui et hoès gouniet hou prér,

₁₆Mæs, mar ne cheleu quet doh‐hoh, queméret hoah guet n’oh un dén pé zeu, aveid me vou diazéet pep guir dré er héneu a deu pé dri dest.

₁₇Ha mar ne cheleu quet anehai, laret d’en Ilis. Nezé, mar ne cheleu quet en Ilis, beèh aveid‐hou él ur pagan hag ur publican.

₁₈E guirioné el laran d’oh: Quement tra e ariehet arh en douar, e vou ehué ariet en Nean; ha quement tra e ziariehet arh en douar e vou ehué diariet en Nean.

₁₉Larein e ran hoah d’oh: Penaus mar en hum laqua deu a han‐oh quevret arh en douar, quement tra ma houlenneint e vou reit dehai guet me zad, péhani e zou én Nean.

₂₀Rac él léh é ma deu pé tri zén dastumet ém hanhue, en hum gavan inou én ou hreis.

₂₁Nezé Pierre e dostas dehou hag e laras: Eutru, pé guéh e zistollein d’em brér, pé en dou péhet inemb t’eign? Bet seih guéh?

₂₂Jesus e laras dehou: Ne laran quet t’oh beté seih guéh, mæs beté déc ha tri‐uiguênt guéh seih guéh.

₂₃Dré‐zé, Ranteleah en Nean e zou haval doh ur roué péhani e houlennas gued é vehuélion cont ag er gargue en doé reit tehai.

₂₄Er hetan méhuel e zas dirac t’hou, e zelié dehou dêc mil taland.

₂₅Hag el n’en doé quet er péh a dra d’ou faiein, er roué é hourhemennas er gùerhein, ean, é voés, é vugalé, hag ol er péh en doé, eid zisteurel é zélé.

₂₆Er mehuel‐zé hum daulas étal treid é Eutru hag er pedas én ul laret: Taulet t’eign un tamicg amzér, ha m’hou paiou.

₂₇Er roué e gueméras truhé doh‐t’hou, hag en daveias d’er gær arleh en dout ean groeit quit a ol er péh e zelié.

₂₈Mæs ne oé quet oeid quit mad er méhuel‐zé, ma cavas unan ag é gen‐vredér péhani e zelié dehou cant dinær: quentéh ean e groguas én hou dré er goug, hag é venné en tâguein én ul laret: Pai ha zelé.

₂₉Caër en doé bet en dén‐zé hum durel étal é dreid hag er pedein, én ul laret: Taulet t’eign amzér, ha m’hou paiou.

₃₀Mæs ean ne vennas quet er cheleu, hag e yas er mæz, hag e hras er bouttein é rangenneu bet que nen devehé paiet é zelé.

₃₁Mæs er méhuélion arall, poéniet ha chiffet é huéled quement‐cé, e laras d’ou Eutru ol er péh e oé digoéhet.

₃₂Nezé en Eutru e galhuas dirac‐t‐hou er méhuel‐zé, hag e laras dehou: Méhuel fall, él m’hou poé ean goulennet guet‐n‐eign, hou telé e oé bet distollet t’oh.

₃₃Ne zelieoh‐hui enta hou pout ehué truhé doh hou gen‐vrér, él m’em boé bet doh‐hoh?

₃₄Quentéh é Eutru én arfleu el laquas étré deourn en dud ag er lézen, bet que n’en dévezé paiet ol é zelé.

₃₅El‐cé ehué e hrei en hou quevér me Zad péhani e zou én Nean, ma ne zistol, peb unan a han‐oh, a greis é galon d’é vrér.