St. Maheu 22

₁Ha Jesus e gonzas hoah guet lavar‐cuhet, hag e laras tehai:

₂Ranteleah en Nean e zou haval d’oh ur roué péhani e venne diméein é vab.

₃Hag e gasse é véhuélion de galhuein d’en æredeu er ré e oé bet pedet; mæs él n’ou doé quet prézet donnet,

₄Ean e gassas hoah méhuélion arall eit laret tehai: Campenet e mès ur prèd, lahet e mès en éhein, hag er péh em boé laqueit de lardein; daré‐é ol en treu, deit d’en æréd.

₅Mæs ind e yas peb unan d’é dû, lod arh er mæzeu, ha lod d’ou marhadeu.

₆Lod aral e hum gueméras doh méhuélion er roué, ha goudé m’ou doé ind goal‐casset é peb tu, ind ou laquas d’er marhue,

₇A pe gleuas quement‐cé er roué hum laquas én arfleu, hag e gassas é vrézélision péré e lahas er lahérion‐zé, hag e losquas hou hær.

₈Nezé ean e laras d’é véhuélion: Peb tra zou daré eid en æred, mæs er ré e oé bet pedet ne tallan quet er boén bout ag en æred.

₉Quêrhet enta dré én henteu, ha pedet ol er ré e gavehet.

₁₀Hag é véhuélion e yas enta dré en henteu, hag e dolpas mad a fall, él m’ou doé cavet, ha sal en æred e zas de vout lan a dud doh taul.

₁₁Mæs a pe zas er roué, ean e huélas doh taul unan ha n’en doé quet é husquemant æreden.

₁₂M’ami, émé er roué, pérac e hoh hui deit a‐men hemb hou cusquemant æreden? En dén‐zé e chomas hemb sannein gricq.

₁₃Nezé e roué e laras d’é véhuélion: Staguet ean dré en trèd hag en deourn ha taulet ean én tihoéldæd a zianvez: azé e vou dareu ha tarhereah dént.

₁₄Rac paud mad e zou galhuet, ha dibaud e zou difforhet.

₁₅Nezé er Pharisiénèd hum gonzas étré‐z‐hai eid cavoued en tu de dapoud Jesus en é gonzeu.

₁₆Ind e zaveias enta lod a ou disciplèd, gued Herodianèd eid laret tehou: Eutru, goud e hramb é laret perpet er huirioné, hag é quelenet lézen Doué quer clous d’ur ré él d’er ré rall, ha hui e hoès en haval caranté eid en ol.

₁₇Laret t’emb enta hou chonge ar guement‐men: Ha deliein é hrér, ya pé naren, paiein en tribut de Cesar?

₁₈Mæs Jesus péhani e hanàué ou fallanté e laras tehai: Tud lan a gùeuïér, perac en em anzéet‐hui?

₁₉Discoeit t’eign er péh argant e zeliet paiein de Cesar. Ind e hras dehou un dinær.

₂₀Nezé Jesus e laras dehai: Péh havaledigueah ha péh hanhue e zou merchet ar er péh‐cé?

₂₁Havaledigueah ha hanhue Cesar, é mé ind; Hama, emé Jesus, daccoret de Cesar er péh e zou de Cesar, ha de Zoué er péh e zou de Zoué.

₂₂Ha pe ind e gleuas quemént‐cé e oent souéhet bras, hag arlerh en dont lézet anehou, ind e yas quit.

₂₃En dé‐zé er Saducénèd peré e lare ne zàüou quet en dud a varhue de vihue, e zas d’en gavouèt, hag ind e houlennas en dra‐men guet‐hou:

₂₄En ul laret: Eutru, Moïse en dès laret: Mar marhue unan benac hemp bugalé, re ziméiou é vrér d’é voés aveid digass hâd d’é vrér.

₂₅Mæs bout e oé en ou mésq seih brér; hag er hetan goudé bout bed diméiet d’ur voés, e varhuas; hag él n’en doé quet a hâd, ean e lausquas é prièd d’é vrér.

₂₆El‐cé e digoéhas d’en eil, d’en drivèd betig en seihvèd.

₂₇En dehuéhan ol er voés e varhuas ehué.

₂₈Mæs a pe zàüou en dud a varhue de vihue, a béhani er seih‐zé, e vou‐hi prièd? Rac ind ol ou dès bet anehi.

₂₉Mæs Jesus e rescondas hag e laras tehai: Hum fariat e hret, ha ne hanaùet quet er Scritur na guelloud en Eutru Doné.

₃₀Rac pe sàüou en dud a varhue de vihue, ne vou mui diméet hanni, hag hanni n’en dou prièd er bet; mæs en ol e vou él Æled ér Baraouis.

₃₁A zivout er sehuel ag er ré varhue de vihue, ha ne hoès hui leinet er péh e zou scrihuet, pe lare d’oh en Eutru Doué:

₃₂Me zou Doué Abraham, Doué Izaac, ha Doué Jacob. Ean e zou Doué, naren ag er ré varhue, mæs er ré vihue.

₃₃Hag er boble e chomas bâmet, é cleuet er honzeu‐zé.

₃₄Mæs a pe gleuas er Pharisiénèd en doé Jesus laqueit er Saducénèd de cherrein ou bêg, ind e zas ol d’er havouèd.

₃₅Hag unan a nehai, den ag el lézen, e houlennas guet‐hou, é sigur en anzéein,

₃₆Eutru, péhani é er guetan gourhemen ag el lézen?

₃₇Jesus e laras tehou: Hui e gârou hou Toué a ol hou calon, a ol hou sperèd, hag a ol hou ç’inean:

₃₈Hennéh‐é er guetan hag er vrassan gourhemen.

₃₉Ha chetu en eil péhani e zou haval doh honnéh: Hui e garou hou nessan él oh hou ç’hunan.

₄₀En nihue hourhemen‐zé é ma ol el lézen hag er brofætèd.

₄₁Nezé er Pharisiénèd en hum dolpas, ha Jesus e houlennas dehai:

₄₂En ul laret: Petra e chonget‐hui ag er Chrouist? De bihue é‐ma ean mab? De Zavid, e m’ind‐i.

₄₃Hag ean e laras tehai: Penaus enta David, dré er Sperèd, en er galhue ean é Eutru, én ul laret:

₄₄En Eutru en dés laret d’em Eutru: Azéet én tu déheu d’eign, bet que n’em bou laqueit hou ç’énebourion idan hou treid.

₄₅Mar er galhue enta David é Eutru, penaus é‐ma ean é vab?

₄₆Ha dén ne zeuhanteras guir dehou: hag a houdevèh dén ne gredas en aterçein.