St. Maheu 23

₁Nezé Jesus e gonzas doh en dud, ha doh é zisciplèd,

₂En ul laret: Er Scribed hag er Pharisiénèd e zou azéet arh gadoér Moïse.

₃Mired enta, ha groeit quement ind e larei d’oh; mæs ne rehet quet revé ou ç’oberieu; rac ind e lare, ha ne hrant quet.

₄Rac ariein e hrant béheu ponér ha dizougus, hag ou laquat e hrant arh ziscouai en dud, mæs ne fell quet tehai ou fichein guet ou biz.

₅Mæs ou ol obérieu e hrant aveid bout guélet guet en dud; rac ledanoh é mant ou phulacterieu, ha caëroh ou dillad,

₆Carein e hrant er huléieu quetan ér hoénieu, hag er gadoérieu quetan ér synagogueu,

₇Hag er stouyeu ér marhalléhieu, ha bout galhuet guet en dud: Eutru, Eutru.

₈Mæs hui ne vehèh quet galhuet Eutru: rac unan hemp‐quin é zou hou Eutru: ha hui ol bredér oh.

₉Ha ne galhuet dén erbet hou tad arh en douar: rac unan hemp quin e zou hou Tad péhani e zou én Nean.

₁₀Ha ne vehéh quet galhuet mæstreu, rac unan hemp‐quin e zou hou Mæstre, er Chrouist.

₁₁En hani brassan én hou mesq e vou hou méhuel.

₁₂Rac pihue‐benac en hum ihuellou, e vou izellet: ha pihue‐benac en hum izellou, e vou ihuellet.

₁₃Mæs goah t’oh Scribed ha Pharisiénèd lan a gùeuïér, Dré ma cherret Ranteleah en Nean d’en dud; rac ne é het quet abarh hou ç’hunan, ha ne lézet quet monnet a barh er ré ou dès hoant de vonnet.

₁₄Goah t’oh Scribed ha Pharisiénèd lan a gùeuïér, dré ma lonquet tiagueaheu en intanvésèd guet hou pedenneu hir: dré zé hui hou pou ur varnedigueah vrassoh.

₁₅Goah t’oh Scribed ha Pharisiénèd lan a gùeuïér, dré ma ridêc e hrér en drô ag er môr, hag ag en douar aveid gobér un discipl; ha p’éma groeit, gobér er hrér mab en Ihuern dihue huéh mui aveid oh.

₁₆Goah t’oh charratigeon dall péré e lare: Pihue‐benac e douïou dré en Ty‐Doué, e zou nitra; mæs pihue‐benac e douïou dré en eur ag en Ty‐Doué, honnéh e zeli derhiel d’é guir.

₁₇Tud disquiant ha dall! rac péhani e zou er vrassan, pé en eur, pé en Ty‐Doué péhani e zantela en eur?

₁₈Pihue‐benac, émé hui, e douïou dré en autær, ne zou nitra; mæs pihue‐benac e douïou dré en rô ag e zou ar‐n‐hi, hennéh e zeli derhiel d’é guir.

₁₉Tud disquiant ha dall! rac péhani e zou er vrassan, pé er rô, pé en autær péhani e zantela er rô?

₂₀Pihue‐benac enta e douïou dré en autær e douïou dré hi, ha dré guément e zou ar‐n‐hi.

₂₁Ha pihue‐benac e douïou dré en Ty‐Doué, e douïou dré en Ty‐Doué ha dré en hani e chome abarh.

₂₂Ha pihue‐benac e douïou dré en Nean, e douïou dré cadoér Doué, ha dré en hani e zou azéet arh‐n‐hi.

₂₃Goah t’oh Scribed ha Pharisiénèd lan a gùeuïér, hui péré e bai en devér arh er vent, en anés, hag er humin, hag e lézet de boés en treu er muian vernus én er lézen, er varn, en trugaré hag er fé. Red e oé gobér en treu‐men, hemb lézel er ré rall d’hobér.

₂₄Charratigeon dall péré e zill ur huiben hag e lonq ur hanval.

₂₅Goah t’oh Scribed ha Pharisiénèd lan a gùeuïér; rac golhein e ret en dianvez ag er chopinn hag er plad, mæs en diabarh e zou lan a laëronci hag a loustri.

₂₆Pharisiénèd dall, golheit de guetan en diabarh ag er chopinn hag er plad, aveid ma vou ehué guen en dianvez.

₂₇Goah t’oh, Scribed ha Pharisiénèd; dré ma oh haval doh béieu gùennet, péré a zianvez en hum zisco caër d’en dud, mæs péré én diabarh e zou lan a esquern tud varhue hag a bep breignadur.

₂₈El‐cé hui ehué, én dianvez, en hum zisco divlam d’en dud; mæs én diabarh oh lan a gùeuïér hag a fallanté.

₂₉Goah t’oh, Scribed ha Pharisiénèd lan a gùeuïér; hui péré e zàue béieu er brofædèd hag e gingl er béïéu en dud divlam,

₃₀Hag e laret: Mar vehemb bet én amzér hun tadeu ne vehemb quet bet lodêc guet‐hai én goaid er brofætèd.

₃₁El‐cé, beèh test d’oh hui hou ç’hunan penaus hui e zou bugalé er ré ou dès lahet er brofætèd.

₃₂Hag é‐oh deid de lannein er vuzul hou tadeu.

₃₃Aëron, rumad en aëron‐viber! penaus é tehethui tré varn en Ihuern?

₃₄Dré‐zé, chetu é han de gasse d’oh profætèd, ha tud fur, ha Scribed; ha bout e vou a nehai lod e laquehet d’er marhue ag er groéz, lod aral e vou dispennet a dauleu én hou synagogueu ha casseit dré‐z‐oh a gær de gær;

₃₅Eit ma couéhou arh‐n‐oh ol er goaid divlam e zou bet scùillet arh en douar, a houdé hani en dén glan Abel, bet hani Zachari, mab Barachi, e hoès lahet étré en Ty‐Doué hag en autær.

₃₆E guirioné m’el lare d’oh, quement‐cé ol e gouéhou arh er rumad‐tud‐men.

₃₇Jerusalem, Jerusalem, péhani e laqua d’er marhue er profætèd, hag e zismante a dauleu‐mein er ré e gonz doh‐oh a me ferh, guet a huéh en e mès‐mé vennet dastum hou pugalé, avél ma tastum ur yar hi foussinet, idan hi divasquel! ha ne hoès quet vonnet séntein.

₃₈Imber, hou ty e zei de vout ul léh délézet.

₃₉Rac el larein e ran d’oh n’em guélehet mui bet en dé ma larehet: Revou mêlet en hani e za é hanhue en Eutru Doué.