Matteu 1

₁Eccu u libru di l'origine di Ghjesucristu, discendente di Davide, discendente d'Abraamu. ₂Abraamu era babbu di Isaccu; Isaccu era babbu di Ghjacobbu; Ghjacobbu era babbu di Ghjuda è di i so fratelli; ₃Ghjuda era babbu di Fares è di Zara — a mamma era Tamar —; Fares era babbu di Esrom; Esrom era babbu di Aram, ₄Aram era babbuera babbu di Aminadab; Aminadab era babbu di Naasson; Naassone era babbu di Salmon; ₅Salmon era babbu di Booz — a mamma era Raab —; Booz era babbu di Obed — a mamma era Rut —; Obed era babbu di Iessè; ₆Iessè era babbu di Davide u rè.

Davide era babbu di Salamone — a mamma era moglia di Uria —; ₇Salamone era babbu di Roboam; Roboam era babbu di Abià; Abià era babbu di Asà; ₈Asà era babbu di Iosafat; Iosafat era babbu di Ioram; Ioram era babbu di Ozia; ₉Ozia era babbu di Ioatam; Ioatam era babbu di Acaz; Acaz era babbu di Ezechia; ₁₀Ezechia era babbu di Manassè; Manassè era babbu di Amon; Amon era babbu di Ghjosia; ₁₁Ghjosia era babbu di Ieconia è di i fratelli, in tempi di l'esiliu in Babilonia.

₁₂Dopu à l'esiliu in Babilonia, ci hè statu Ieconia, babbu di Salatiel, Salatiel era babbu di Zorobabel, ₁₃Zorobabel era babbu di Abiud, Abiud era babbu di Eliachim, Eliachim era babbu di Azor, ₁₄Azor era babbu di Sadoc, Sadoc era babbu di Achim, Achim era babbu di Eliud, ₁₅Eliud era babbu di Eleazar, Eleazar era babbu di Matan, Matan era babbu di Ghjacobbu; ₁₆Ghjacobbu era babbu di Ghjiseppu, u sposu di Maria, chì fù ella a mamma di Ghjesù, chjamatu Cristu.

₁₇Cusì, tutte e generazione funu: quattordeci da Abraamu à Davide, quattordeci da Davide à l'esiliu di Babilonia, è quattordeci da l'esiliu di Babilonia à u Cristu.

₁₈Eccu cum'ella successe a nascita di Ghjesucristu. Maria, a mamma, era prumessa in matrimoniu à Ghjiseppu; ùn stavanu ancu inseme, è Maria si truvò incinta per via di u Spiritu Santu. ₁₉Ghjiseppu, u sposu, chì ghjera un omu ghjustu è ùn la vulia inghjulià in publicu, decise di lascià si la senza dà spiecazione à nimu. ₂₀Cusì vulia fà, ma eccu chì in sognu l'anghjulu di u Signore li dice: «O Ghjisè, figliolu di Davide, ùn abbia paura di piglià in casa à Maria, to moglia, chì u figliolu ch'ella aspetta li vene da u Spiritu Santu. ₂₁U zitellu chì hà da nasce, chjama lu Ghjesù, chì ghjè ellu chì hà da salvà u so populu da i so peccati.» ₂₂Propiu cusì hè stalvatu, per ch'ella venga cumpiita a parolla di u Signore, detta da u prufeta: