Matteu 22

₁Ghjesù turnò à parlà li ghjuvendu si di parabule è li disse: ₂«U regnu di i celi hè cum'è un rè chì fece fà un bellu pranzu pè e nozze di u figliolu. ₃Mandò i servi ch'elli chjaminu à u pranzu l'invitati, ma quelli ùn volsenu vene. ₄Tandu mandò altri servi cun l'ordine di dì li cusì: “Eeccu, aghju fattu appruntà u pranzu, i tori è l'animali ingrassati è tuttu hè in estice; venite à a festa.” ₅Ma l'invitati ùn li detenu capu è andonu à curà i so affari, à chì in campagna, à chì à fà negoziu. ₆È l'altri arrestonu i servi di u rè, i maltrattonu è i fecenu tumbà. ₇Tandu u rè entre in zerga, manda a so armata, face tumbà l'assassini è strughje a cità. ₈Dopu dice à i so servi: “U pranzu hè prontu ma l'invitati eranu indegni; ₉dunque andate pè e strade è tutti quelli ch'è vo truverete fate li vene à e nozze.” ₁₀I servi andetenu pè e strade è accolsenu tutti quelli ch'elli truvonu, bravi è gattivi vuleghji, è cusì fù piena a sala di u pranzu. ₁₁Entre u rè per vede l'invitati è trova à unu chì ùn avia micca à dossu una vestitoghja da nozze; ₁₂li dice: “O amicu, cum'hè ch'è tù sì ghjuntu quì senza a vestitoghja di e nozze?” Ma quellu si stà zittu. ₁₃Tandu u rè dice à i soi: “Ligate li i pedi è e mani è po lampate lu à u bughju di fora. Culà ci seranu pianti è circhenni.” ₁₄Perchè chì i chjamati sò parechji, ma quelli scelti sò pochi.»

₁₅Tandu i Farusei vanu à cunsultà si trà d'elli per sapè cumu incappià à Ghjesù cù ciò ch'ellu dicia. ₁₆È li mandanu i so discepuli cù quelli di u partitu d'Erode. Dicenu: «O maestru, sapemu ch'è tù sì veritativu è ch'è tù insegni a strada di Diu, è ch'è tù ùn temi à nisunu perchè chì ùn guardi in facia à nimu. ₁₇Allora dì ci ciò chì pare à tè: l'impositu da l'imperatore, si pò pacà o micca?» ₁₈Ma Ghjesù chì sapia ch'elli eranu pessimi dice: «O falsacci, mi vulete mette à u provu? ₁₉Fate mi vede una muneta chì si ne paca l'impositu.» È quelli li porghjenu una pezza di muneta. ₂₀Li dice: «Di quale sò issa faccia è isse parolle scritte?» ₂₁Elli dicenu: «Sò di Cesaru.» Tandu ellu risponde: «Ebbè! Rendite à Cesaru ciò chì hè di Cesaru, è à Diu ciò chì hè di Diu.» ₂₂Stupiti da ciò ch'elli avianu intesu, piglianu è si ne vanu.

₂₃U listessu ghjornu venenu i Saducei chì pensanu ch'ellu ùn si pò rinnasce, è li dicenu: ₂₄«O Maestru, hà dettu Musè:

₃₄Dopu intesu ch'ellu avia tappatu a bocca à i Saducei, i Farusei li s'accolsenu in giru. ₃₅È unu trà d'elli [un maestru di a Lege] li fece sta dumanda per mette lu à u provu: ₃₆«O maestru, chì hè u cumandu maiò di a Lege?» ₃₇Ellu rispose: «Tù, tenerai u Signore, u to Diu, di core pienu è di anima piena è di mente piena. ₃₈Quessu hè u primu cumandu è u maiò. ₃₉Ed eccu l'altru chì ghjè sumigliu: Tù, tenerai à l'altri cum'è à tè stessu. ₄₀Tutta a Lege è tutti i prufeta dipendenu d'issi dui cumandamenti.»

₄₁Cum'elli eranu accolti i Farusei, Ghjesù ₄₂li fece sta dumanda: «Chì dite di u Missia? Di quale serà figliolu?» Elli dissenu: «Figliolu di Davide.» ₄₃Ghjesù risponde: «Tandu cum'hè chì Davide, guidatu da u Spiritu di Diu, u chjama Signore dicendu: