1 Korintianuri 13

₁Makar ke me dava duma le šiba le manušenge ai le andželonge, te na avela ma dragostia, me sim sar jekh duba kai bašel, vai jekh tsimbala kai ašundiol. ₂Ai makar ke avela ma o dinimos te dav duma pe mai angle, o godjimos katar sa le čudeni ai te žianav sa, kana makar avela man sa o patiamos žikin šai te pařuvav pa o than le plaia, te na nai ma e dragostia me či sim khanči. ₃Ai makar kana dava sa muře barvalimata te pravarav le čořen, makar kana me dava muřo stato te phabaren les, te na nai ma e dragostia nai mange khanči kodo.

₄E dragostia ažiukerel, voi si pherdi lašimos; e dragostia či kamel te lel avrestar; e dragostia či luvudil pe, voi či phukiarel pe barimatangi, ₅voi či kerel khanči nasul, voi či rodel te niril, voi či xoliavol, voi či gindil pe ka o nasulimos, ₆voi či veselil pe anda kai nai vorta, numa voi veselil pe anda o čačimos; ₇voi či mukel, voi šai daštil sa, voi ažiukerel sa, voi ninkerel sa.

₈E dragostia či xasavola šoha. Le dieli kai phenena ke avena getona pe, le šiba ašena, so žianen bilala. ₉Ke ame žianas jekh partia, ai ame phenas so avela jekh partia, ₁₀numa kana so si vorta avela, so si partia bilala.

₁₁Kana me simas glata, me davas duma sar glata, me gindivas ma sar jekh glata, me davas ma duma sar jekh glata; kana me areslem murš, me kerdem te bilal so sas glatako. ₁₂Adies ame dikhas sar ande jekh glinda, kai či dikhas mišto ande late, numa atunči ame dikhasa fatsa pe fatsa; adies me žianav jekh partia, numa atunči me žianava sar žianel man o Del.

₁₃Akana kakala trin dieli bešen: o patiamos, o ažiukerimos, e dragostia; numa e mai bari anda kudala trin dieli, si e dragostia.