1 Korintianuri 2

₁Me, phralale, kana me gelem tumende, či gelem barimatansa katar e šib vai la godiasa ke me gelem te phenav tumenge so si o Del. ₂Ke man nas man gindo te žianav maškar tumende aver diela ke ferdi o Jesus Kristo, ai o Jesus Kristo karfome. ₃Inke me simas paša tumende ande jekh stato kovlo, daravas, ai bares isdravas; ₄ai muři vorba ai muřo divano nas bare vorbi katar e godji le manušeski, numa pe jekh vurma te sikavav o Duxo ai e zor katar o Svinto-Duxo, ₅eta ke tumaro patiamos t'avel thodino, na pe e godji le manušengi, numa pe e zor le Devleski.

₆Numa, si jekh godji ke ame phenas maškar kudala kai si vorta, godji kai nai anda kadala berš, či katar le birevia anda kadala berš, kai si t'aven phařade; ₇ame das duma pa e godji le Devleski, šodo ai garadi, kai o Del, angla savořende kadala berš, šinadias la t'avel amenge mištimos, ₈godji kai či jekh birevo anda kadala berš či žianel, ke, te von žiangline, von sas te na karfosardinesas le Bares o vestime. ₉Numa, sar si ramome,

₁₀O Del sikadias le amenge katar o Duxo. Ke o Duxo zumavel sa, inke so si ande o Del. ₁₁Savo anda le manuš, čačes, žianel le dieli le manušeske, te na avela o duxo le manušesko kai si ande leste? Sa jekh fialo, khonik či žianel le dieli le Devleske, te na avela o Duxo le Devlesko. ₁₂Eta ame, ame či liam o duxo la lumiako, numa o Duxo kai avel katar o Del, eta ame te žianas le dieli le Devleske kai dias ame vo katar pesko mištimos. ₁₃Ai ame das duma, na le divanonsa kai sikiarel e godji manušeski, numa kudalensa kai sikiarel o Duxo, das jekh vorba katar o Duxo katar le dieli Duxoske.

₁₄Numa o manuš kai nai les o Duxo či lel le dieli katar o Duxo le Devlesko, ke von si jekh dilimos leske, ai vo naštil te žianel le, ke si katar o Duxo kai si te del le kris.

₁₅O manuš kai si les o Duxo le Devlesko aver fialo, del kris pe sa, ai vo nai dino kris khanikastar. ₁₆Ke,