Efesian 5

₁Keren sar kerel o Del, sar le glati kai vo kamel; ₂ai phiren ande o mištimos, sar sas o Kristo, kai kamlias amen, ai kai dias pe vo ka o Del pala amende sar jekh dinimos kai khandel šukar.

₃Ke e kurvetsia, o bi-vužio, ai o xanžvalimos te na inke t'aven phende maškar tumende, kadia či trubul le svintson. ₄Ke te na ašunen či vorbi kai nai laše, či divano dilo, či asaimos, dieli kai si kaver fialo sar o mištimos; ke t'ašunen mai mišto dragosti. ₅Ke, te žianen mišto, či jekh kurvari, vai jekh kai nai vužio, vai xanžvalo, (o xanžvalo si sar kudo kai patial ande le staturi,) či avela len khanči ande e amperetsia le Kristoski ai le Devleski.

₆Ke khonik te na diliarel tumen intaino katar o divano; ke si pala kudala dieli ke e xoli le Devleski avel pe le šiave le buntuimaske. ₇Te na avel tumen či jekh partia lensa. ₈Angla savořende tume sanas tuniariko, ai akana tume san vedaria ande o Baro. Phiren sar glati la vedariake! ₉Ke e vedaria del fruta, o lašimos e kris ai o čačimos. ₁₀Len sama so si drago le Bareske; ₁₁ai na len partia ka le butia kai si ande o tuniariko, numa mai mišto šiuden le. ₁₂Ke si lažiav te phenas so von keren ande o garaimos; ₁₃numa sogodi si dino strafo sikadiol katar e vedaria, ke sogodi dikhiol si katar e vedaria. ₁₄Sa anda kudia si phendo:

₁₅Len tume sama sar tume keren, na sar le dile, numa sar le godiaver; ₁₆keren mištimos sako data kai šai daštin, ke le diesa si nasul. ₁₇Sa anda kudia te na aven prosti, numa te hatiaren so kamel o Baro.

₁₈Na mation la moliasa: si o čořimos, Aven, aver fialo, pherde duxo; ₁₉Ninkeren tume le psalmonsa, le gjiliansa, ai le kantikonsa duxoske, gjilaben ai vestin ande sa tumaro ilo le luvudimata le Bareske; ₂₀Naisin sakda anda sako diela la Devles le Dades, ande o anav amare Baresko o Jesus Kristo,

₂₁Řebdin jekh le kavreske ande e dar katar o Jesus Kristo.

₂₂Žiuvlia, patian tumare řomen, sar t'avel o Baro; ₂₃ke o řom si o birevo la řomniako, sar ke o Kristo si o birevo la Khangeriako, kai si lesko stato, ai kai vo si lesko Skipitori. ₂₄Eta, sar e Khangeri řebdil le kristos, vi e řomni trubul te řebdil pe řomes ande sako diela.

₂₅Řom, t'aven tumenge drago tumare řomnia, sar o Kristo si leske drago e Khangeri, ai vo dias pe pala late, ₂₆eta te svintsil la katar e vorba, pala ke vužiardias la katar o bolimos le paiesko, ₂₇eta te sikadiol angla leste kudia Khangeri vestime, bi-makhli, bi semnosko po mui, numa svinto ai bi došako. ₂₈Kadia trubul ke le řom t'aven lenge drago lenge řomnia sar kamen penge staturi. Kudo kai si leske drago leski řomni si vo peske drago. ₂₉Ke šoha khonik či vuřitsil pesko mas; numa pravarel les ai lel sama lestar, sar o Kristo kerel la Khangeriake, ₃₀Ke ame sam sa ande jekh stato. ₃₁Sa anda kudia o manuš mukela peske dades ai peska da, ai astardiola ka peski řomni, ai le dui avena ferdi jekh mas ₃₂Kadia čudenia si bari; me phenav ke kadia kerel o Kristo ai e Khangeri. ₃₃So mai si, ke sako anda tumende t'avel leske drago leski řomni sar si drago peske, ai ke e řomni te del pativ pesko řom.