Psalmo 101

Me gjilabava o mištimos ai e kris;

Si tuke, Baro Del! ke me gjilabava.

₂Me lava sama ka e vurma pe čači.

Kana tu avesa mande?

Me phirava ande o čačimos muře ilesko,

Maškar muřo kher.

₃Me či thava khanči nasul angla muře jakha;

Me vuřitsiv e vurma sar phiren le bezexale;

Voi či astardiola mande.

₄O ilo žiungalo duriol mandar;

Me či kamav te žianav le nasules.

₅Kudo kai del duma čorořal pa pesko vortako, me bilavava les;

Kudo kai si lesko dikhimos barimatango ai phukjilo ilesko, naštiv te dikhav pe leste.

₆Muře jakha avena pe le čače anda o them,

Ke te bešen paša mande;

Kudo kai phirel ande jekh vurma vorta avela muři sluga.

₇Kudo kai del pe ka o čořimos či bešela ande muřo kher;

Kudo kai phenel xoxaimata či ašela angla mande.

₈Sako diminiats bilavava le nasulen anda o them,

Eta te šiudav anda o foro le Bare Devlesko

Sa kudalen kai keren le bezexa!