Psalmo 111

₁Luvudin le Bare Devles!

Me luvudiva le Bare Devles anda sa muřo ilo,

Kai kjiden pe le manuš vorta ai kai kjiden pe.

₂Le butia le Bare Devleske si bare,

Rodine katar sa kudala kai kamen les.

₃Leski butji Si ferdi šukar ai bari,

Ai leski kris ašela pe sakda.

₄Vo muklias te den pe godji ka leske čudeni,

O Baro Del miloso ai lašio.

₅Vo dias xamos kudalenge kai daranas lestar;

Vo del pe godji sakda ka peski patia.

₆Vo sikadias peske narodoske e zor peske butiange,

Kai dias le so sas le themengo.

₇Le butia leske vastenge si čačimos ai kris;

Sa leski ordini si čače,

₈Zuriarde pe sogodi avela,

Kerde čačimasa ai vorta.

₉Vo tradias o skipimos ka pesko narodo,

Vo thodias pe sakda peski patia;

Lesko anav si svinto ai darano.

₁₀E dar katar o Baro Del si kai lel pe te del tu godji;

Sa kudala kai len sama si le jekh godji svinto.

Lesko vestimos bešela pe sakda.