1Ka o birevo kudalengo kai gjilaben. Pe e tsitura oxto struni. Psalmo le Davidoske.
2Skipisar, Baro Del! ke le manuš kai patian žiantar,
Le čače xasavon maškar le šiave katar o manuš.
3Phenen peske xoxaimos jekh avreske,
Si le pe le vuš dieli kai řezgin,
Den duma jekhe ilesa kaver fialo
4O Baro Del bilavel sa le vuš kai řezgin,
E šib kai del divano barimasa,
5Kudala kai phenen: Ame sam zurale katar amari šib,
Amen diam duma pe amare vuš
Kon avela amaro birevo?
6Ke le prosti si pharo pe lende ai ke le čoře vatin,
Akana, phenel o Baro Del, me uštiav,
Anav o skipimos kudalenge kai phurden pe lende.
7Le vorbi le Bare Devleske si vorbi vuže.
Jekh nip zumado pe e phuv katar e jag.
Ai eftavar vužardo.
8Tu, Baro Del! Tu arakhesa le,
Tu lesa sama lendar katar kadia vitsa pe sakda.
9Le nasul phiraven-pe pe sako rig,
Kana o telimos amperetsil maškar le šiave katar o manuš.
