Psalmo 125

Kudala kai den pe ka o Baro Del

Si sar o plai o Sion: vo či perel,

Vo si zuralo pe sakda.

₂Plaia terdion krugom o Jerusalem;

Kadia o Baro Del terdiol krugom peske narodos,

De akanara ai pe sakda.

₃Ke e rovli amperatisko katar o nasulimos či bešela kai si le vorta,

Eta ke te le vorta te na vazden le vast karing e bezex.

₄Baro Del, tho tjiro mištimos pe le laše

Ai pe kudala kai lengo ilo si vorta!

₅Numa kudala kai žian ande le vurmi rigate,

Ke o Baro Del te phařavel le kudalensa kai keren o nasul!

Ke e patia t'avel pe o Israel!