Psalmo 137

₁Pe le bereguri le paienge katar o Babilon,

Ame bešasas tele ai rovasas,

Dasa ame godji ka o Sion.

₂Ka le krangitsi le rigenge

Ame thodiam te bešen amare tsituri.

₃Kothe, kai nirisarde ame mangenas amendar te gjilabas,

Ai kai kjinuin ame t'avas veseli; phende:

Gjilabe amenge jekh gjili pa o Sion.

₄Sar šai gjilabas ame le psalmo katar o Baro Del!

Pe jekh phuv streino?

₅Te bustrava tu, Jerusalem,

Ke muřo vast čačo bustrel ma!

₆Ke muři šib t'astardiol pe muřo taloi

Te na dava ma godji tute,

Te na kerava anda o Jerusalem

E mai bari diela muře veselimaski!

₇Baro Del, de tu godji ka le glati anda o Edom,

Kai ande o dies ande o Jerusalem,

Phenenas: Peraven, peraven

Ži telal!

₈Šei anda o Babilon, peraven la,

Veselo kon kerela tuke jekh fialo,

O nasulimos kai tu kerdian amenge!

₉Veselo kon lel tjire glaten,

Ai inčarel le pe o bař!