Psalmo 14

O dilo phenel ande pesko ilo: Nai Del!

Von rimosaile, von kerde dieli vuřitsoso;

Nai či jekh kai kerel mištimos.

₂O Baro Del, opral le čeri, dikhel pe le šiave le manušeske,

Te dikhel te avel varekon godiaver,

Kai rodel le Devles.

₃Savoře dine rigate, savoře kurvarisaile;

Nai khonik kai kerel mištimos, inke či jekh.

₄Sa kudala kai keren e bezex xasarde e godji?

Von xan muře narodos, von len les sar xamos;

Von či akharen le Bare Devles.

₅Kothe kai darana isdraimasa,

Kana o Del sikadiola maškar e vitsa vorta.

₆Šiudel pe o čořo sa o lažiav.

Ferdi ka o Baro Del šai garadiol.

₇O! Mek t'anklel avri anda o Sion o skipimos katar o Israel?

Kana o Baro Del anela le phanglen katar pesko narodo,

O Jakob avela veselo, o Israel veselila pe.