1Ka o birevo kudalengo kai gjilaben. Psalmo le Davidoske.
2Baro Del, skipisar ma katar le manuš nasul!
Le sama mandar katar le manuš marimaske,
3Kai den pe godji nasul ginduri ande pengo ilo,
Ai si sakda gata te keren o marimos!
4Von skutson pengi šib sar jekh sap,
Len si le tela lengi šib jekh venino sapesko.
5Baro Del, le ma anda le vast le nasulengo!
Le sama mandar katar le manuš marimaske,
Kai den pe godji te peraven ma!
6Barimatange thon mange jekh kletka ai setki,
Von thon skarfia pe o lungo la vurmako,
Von thon mange te perav.
7Me phenav le Bare Devleske: Tu san muřo Del!
Baro Del, tho o kan ka o hango kana me mangav!
8Baro Del, Baria, zor muře skipimaski!
Tu garaves muřo šero o dies le marimasko.
9Baro Del, na ker sar mangen le nasul,
Na muk te keren so von kamen, daratar ke von luvudin pe!
10Ke pe o šero kudalengo kai si krugom
Te perel e bezex pa lenge vuš!
11Ke angara phabarde t'aven šiudine pe lende!
Ke te šiudel le ande e jag,
Ande le uni, kastar te na mai ušten!
12O manuš kai leski šib si xoxamno te na zuriavol pe e phuv;
Ai o manuš marimasko, o nasulimos ningerel les te xasavol.
13Me žianav ke o Baro Del del zakono le čořes,
Kris le prostonge.
14E, le vorta vestina tjiro anav,
Le manuš vorta bešena angla tute.
