1Gjili le Davidoske. Kana sas ande e groapa. Řudjimos.
2Anda muřo hango me tsipiv pe o Baro Del,
Anda muřo hango me mangav le Bare Devles,
3Me butiarav muřo nekazo angla leste,
Me phenav leske muři dukh.
4Kana muřo duxo si mardo angla mande,
Tu, tu žianes muři vurmitsa.
Pe o drom kai me phirav
Von thode mange jekh kletka.
5Šiude le jakha pe o čačo, ai dikh:
Khonik či prinžiarel ma,
Sa o garaimos si xasardo mange,
Khonik či lel sama katar muřo duxo.
6Baro Del! pe tute me tsipiv.
Me phenav: tu san kai garadiovav,
Muřo hulaimos pe e phuv le žividengi.
7Ašun ka muře tsipimata!
Ke me sim nekežime.
Skipisar ma katar kudala kai našen pala mande
Ke von si mai zurale mandar.
8Tsirde muřo duxo anda e temnitsa,
Eta te vestiv tjiro anav!
Le vorta avena te terdion krugom ma,
Kana tu keresa mange mištimos.
