Psalmo 148

₁Luvudin le Bare Devles!

Luvudin le Bare Devles opral anda le čeri!

Luvudin les ande le thana opre!

₂Luvudin les, tume sa leske andželi!

Luvudin les, tume sa leske armi!

₃Luvudin les, kham ai šiunuto!

Luvudin les, tume sa, čeřaia strefime!

₄Luvudin les, čeri čerenge,

Ai tume, paia kai si tela le čeri!

₅Ke te luvudin o anav le Bare Devlesko!

Ke vo porunčil ai von arakhadile.

₆Vo zuriardias le pe sakda ai sogodi avela;

Vo dias zakonuri, ai vo či šinela le.

₇Luvudin le Bare Devles de telal e phuv,

Žigeni paienge, ai tume sa, uni,

₈Jag ai babitsa, iv ai tumano,

Balvalia bare, kai keren leske ordini,

₉Plaia ai sa le plaiořa,

kopačia frutake ai sa le tsedruri,

₁₀Žigeni ai sa e žigania,

Sapa ai čiriklia phakenge,

₁₁Amperatsi la phuviake ai sa le naroduri,

Prinsuri ai sa le krisinitoria la phuviake,

₁₂Terne murš ai šeia baria,

Phure ai glati!

₁₃Ke te luvudin o anav le Bare Devlesko!

Ke lesko anav ferdi si opre:

Leski amperetsia si opral e phuv ai le čeri.

₁₄Vo uštiavel e zor peske narodoski:

Diela luvudimaski pe sa kon si lesa čačo,

Le šiavenge anda o Israel, le narodoske kai si paša leste.

Luvudin le Bare Devles!