Psalmo 42

₂Sar jekh čerbo vatil paša katar vulel o pai,

Kadia muřo duxo vatil paša tute, o Del!

₃Muřo duxo si trušalo pala o Del, katar o Del živindo:

Kana žiava me ai sikadiovav angla e fatsa le Devleski?

₄Muře asva si muřo xaben dies ai riat,

Žikin mothon mange bi te terdion:

Kai lo tjiro Del?

₅Dav ma godji zurales ande o ilo

Kana phiravas krugom mandar o narodo,

Ai ke me žiavas angle ka lesko šero karing o kher le Devlesko.

Maškar le tsipimata veseli ai le šukarimaske

De jekh baro narodo praznikosko.

₆Sostar peres tu, muřo duxo, ai vatis tu ande mande andre?

Ažiuker ande o Del, ke mai luvudiva les;

Vo si muřo skipimos ai muřo Del.

₇Muřo duxo pelo andre ande mande.

Kadia tute dav ma godji, de katar o them o Jordan,

De katar o Hermon, de katar o plai o Mitsear.

₈Jekh brišin akharel jekh kaver brišin kai bašel kana perel;

Sa tjire talazuri ai tjire paia nakhen pa mande.

₉O dies, o Baro Del del ma pesko dragostia;

E riat, me gjilabav leske luvudimata,

Me phenavas jekh řudjimos ka o Del muře traiosko.

₁₀Me phenav ka o Del, muřo bař:

Sostar bustres ma?

Sostar trubul te phirav ande o nekazo,

Tela o pharimos le dušmanosko?

₁₁Muře kokala phagion kana kudala kai amin pe mande prasan ma,

Ai phenen mange sakda: kai lo tjiro Del?

₁₂Sostar peres tu, muřo duxo, ai vatis tu ande mande andre?

Ažiuker ande o Del, ke mai luvudiva les;

Vo si muřo skipimos ai muřo Del.