1Gjili. Psalmo le šiavenge le Koreske.
2O Baro Del si baro, vo si e diela kai savoře luvudin les,
Ande o foro amare Devlesko, pe o plai svinto.
3Šukar si lesko plaiořo, veselil sa e phuv, o plai anda o Sion;
E rig karing angle, si o foro le bare amperatosko.
4Del, ande peske avlina, si vestime sar jekh than opre garado.
5Ke eta, le amperatsi dine pe duma ande jekh than;
Von ferdi nakhle ande jekh than.
6Von dikhle, sa sas lenge šodo,
Lenge sa dar, ai von našletar.
7Kothe jekh isdraimos lias le,
Sar e dukh jekha žiuvliaki kai ažiukerel glata.
8Von sas gonime sar katar e balval katar e rig čači,
Kai phagel le čunuri anda o Taršiš.
9So ame ašundiam so phenen, ame dikhliam
Ande o foro katar o Baro Del le řaioske zurale,
Ande o foro amare Devlesko:
O Del kerela te bešel pe sakda.
10O Del, ame das ame godji ka tjiro lašimos
Ande tjiro templo.
11Sar tjiro anav, o Del!
Tjiro luvudimos bašel ži ka le gora la lumiake;
Tjiro čačo si pherdo kris.
12O plai anda o Sion veselil pe,
Le šeia anda o Juda si ande le veseli,
Pala tjiri kris.
13Phiren o Sion, phiraven tume andral,
Gjinen lake turi,
14Len sama lake ziduri,
Dikhen lake avlina,
Te phenen le ka le vitsi mai angle.
15Eta o Del kai si amaro Del beršensa ai sakda;
Vo si kai ningerel ame ži kai či merasa.
