Psalmo 54

₃O Del! skipisar ma anda tjiro anav,

Ai de ma kris katar tjiri zor!

₄O Del! ašun muřo řudjimos,

Tho kan ka le vorbi muře mosko!

₅Ke streia uštile pe mande,

Manuš nasul kamen te len muřo traio;

Von nai lenge gindo pe o Del.

₆Eta, o Del si kai ažutil ma,

O Baro ai kai ninkerel muřo duxo.

₇O nasulimos perel pe muře dušmaia;

Bilav le, ande tjiro čačimos!

₈Me dava tu laše ilesa sakrifisuri;

Me luvudiva tjiro anav, o Baro Del! ke Si vorta,

₉Ke vo skipil ma anda sa o nekazo,

Ai muře jakha veselin pe kana dikhen muře dušmanon.