1Ka o baro kudalengo kai gjilaben. Le tsiturensa kai si len oxto struni. Psalmo le Davidoske.
2Baro Del! na ker te pokjinav ande tjiri xoli,
Ai na mar ma ande tjiri xoli.
3T'avel tuke mila mandar, Baro Del! ke me sim bi zorako;
Sastiar ma, Baro Del! ke muře kokala isdran.
4Muřo duxo si sa rimome;
Ai tu, Baro Del! ži kana?
5Av, Baro Del! skipisar muřo duxo;
Skipisar ma, pala tjiri mila.
6Ke kudo kai merel manai les tjiro gindo;
Kon luvudila tu kothe kai si le mule?
7Me kjinuiv ande muřo vatimos;
Sako riat muřo šerand kingo katar muře asva,
Muřo pato kingo katar muřo roimos.
8Muři jakh si rimome katar o nekazo;
Sa kudala kai si pe mande phuriaren la.
9Durion mandar, sa tume kai keren nasul!
Ke o Baro Del ašunel o hango katar muře asva;
10O Baro Del kerel pe so řudjiv ma,
O Baro Del lel muřo řudjimos.
11Sa muře dušmaia pele, lias len e dar;
Von den palpale, strazo pherde lažiav.
