1Ka o birevo kudalengo kai gjilaben. Pe e luludji liriko. 2Gjili sikiarimaski le Davidoske, sikiarel. Kana kerdias o marimos pe le Sirianuri anda o Mesopotamia ai pe le Sirianuri anda o Tsova, ai ke o Joab avilo ai mardias ande e Dolina le Loneski deš-u-dui mii Edomituri.
3O Del! tu dian ame palpale, phařadian ame
Tu xoliailian: vazde ame!
4Tu isdraian e phuv, tu šindian la:
Lašiar lake groapi, ke voi si te perel!
5Tu kerdian te dikhel tjiro narodo dieli zurale,
Tu čalardian ame jekha moliasa zalimaski.
6Tu dian kudalen kai daranas tutar jekh semno,
Te von t'ušten pala o čačimos.
7Eta ke te tjire kai kames t'aven skipime,
Skipime katar tjiro čačo, ai keres pe lengi!
8O Del phendias ande pesko čačimos: Me niriva,
Me hulavava o Šexem, me mesuriva e dolina o Sukot
9Mande o Gilead, mande o Manase;
O Efraim si kai arakhel muřo šero
Ai o Juda, muři řai amperatisko;
10O Moab si o tazo kai me thav ma;
Me šiudav muři papuka pe o Edom;
Them katar le Filistinuria, phurde pala mande tsipimos veselimaske!
11Kai ningerela ma ande o foro zuralo?
Kai ningerel ma ande o Edom?
12Nai ke san tu, o Del, kai dian ame palpale,
Ai ke či mai anklen avri, o Del, amare armiasa?
13De ame t'ažutis ame pe o nekazo!
So ažutil o manuš nai khanči.
14Le Devlesa, ame kerasa bare dieli;
Vo inčarela amare dušmanon.
