Psalmo 82

O Del bešel kai kjiden pe le dela;

Vo del kris maškar le dela:

₂Ži kana kerena tume krisa bezexasa,

Ai lena tume sama katar le nasul?

₃Den kris ka o kovlo ai ka o baiastruko,

Keren zakono pe o prosto ai o čořo,

₄Skipin le čořes ai le prostos,

Skipin le anda o vast le nasulengo.

₅Von či žianen ai nas len godji,

Von phiren ande le tuniariči;

Sa le zora la phuviake miškin.

₆Me phendem: tume san dela,

Tume san sa šiave katar o Mai Vučo.

₇Numa tume meren sar le manuš,

Tume peren sar varesavo prinso.

₈Ušti, o Del, de kris la phuvia!

Ke sa le thema si tjire.