Psalmo 87

Voi si thodine pe le plaia svintsi.

₂O Baro Del drago leske le vudara anda o Sion

Mai but sar le khera kai bešen ande e vitsa e Jakobski.

₃Dieli vestime sas phende pe tute,

Foro le Devlesko!

₄Me phenav e Egipta ai o Babilon maškar kudala ka žianen ma;

Eta, o them le Filistengo, e Tira, la Abiziniasa:

Ande o Sion von arakhadile.

₅Ai anda o Sion si phendo: Sa si arakhade

Ai si o Mai Vučo kai zuriardias le.

₆O Baro Del ramol le narodon;

Kothe si von arakhade.

₇Ai kudala kai gjilaben ai kudala kai khelen tsipin:

Sa muře paia si ande tute.