1Aven, gjilabas veselimasa ka o Baro Del!
Phurdas tsipimos veseli karing o bař amare skipimasko.
2Žias angla leste luvudimasa,
Keras te bašen gjilia pe leski pativ!
3Ke o Baro Del si jekh Baro Del,
Vo si jekh baro amperato opral sa le dela.
4Vo ninkerel ande pesko vast le uni la phuviake,
Ai opre le plaia si leske.
5E maria si leski, vo kerdias la;
Vi e phuv, leske vast lašiarde la.
6Aven, klonisavas ai kovliuvas,
Bangiaras e čang angla o Baro Del, kai kerdias ame!
7Ke vo si amaro Del,
Ai ame sam o narodo leska čarako,
O trupo kai lesko vast tradel.
O! te šai ašunen adies lesko hango!
8Na zuriaren tumaro ilo, sar ande o Meriba,
Sar ande o dies o Masa, ande e pusta,
9Kai tumare dada zumade ma,
Zumade ma, makar ke dikhle muře butia.
10Štar-var-deš berš sas mange kudia vitsa vuřito,
Ai me phendem: Si jekh narodo kai pesko ilo si xasardo;
Von či žianenas muře vurmi.
11Kadia me solaxadem ande muři xoli:
Von či avena ande muři hodinia!
