1O Baro Del amperetsil: le naroduri isdran;
Vo bešel pe le xeruburi: e phuv miškil.
2O Baro Del si baro ande o Sion,
Vo si opral sa le naroduri.
3Ke te vestin tjiro anav baro ai darano!
Vo si svinto!
4Ke te vestin e zor le amperatoski kai drago leske e kris!
Tu zuriares o čačimos,
Tu keres ande o Jakob e kris ai o čačimos.
5Bariaren le Bare Devles, amaro Del,
Ai klonin tume angla leski skara!
Vo si svinto!
6O Moše ai o Aron maškar leske raša,
Ai o Samuel maškar kudala kai akharen lesko anav,
Akharen le Bare Devles, ai vo kerel pe lengi.
7Vo delas duma lensa ande o stilpo le nuverosko;
Von lenas sama leske poronki
Ai o zakono kai vo delas len.
8Baro Del, amaro Del, tu keres pe lengi,
Tu sanas lenge jekh Del kai jertil,
Numa tu kerdian te pokjinen penge doša.
9Bariaren le Bare Devles, amaro Del,
Ai klonin tume lesko svinto plai!
Ke vo si svinto, o Baro Del, amaro Del!
