PSALMI 115

Ἐπίστευσα, διὸ ἐλάλησα·

ἐγὼ δὲ ἐταπεινώθην σφόδρα.

₂ἐγὼ εἶπα ἐν τῇ ἐκστάσει μου

Πᾶς ἄνθρωπος ψεύστης.

₃τί ἀνταποδώσω τῷ κυρίῳ

περὶ πάντων, ὧν ἀνταπέδωκέν μοι;

₄ποτήριον σωτηρίου λήμψομαι

καὶ τὸ ὄνομα κυρίου ἐπικαλέσομαι.

₆τίμιος ἐναντίον κυρίου

ὁ θάνατος τῶν ὁσίων αὐτοῦ.

₇ὦ κύριε, ἐγὼ δοῦλος σός,

ἐγὼ δοῦλος σὸς καὶ υἱὸς τῆς παιδίσκης σου.

διέρρηξας τοὺς δεσμούς μου,

₈σοὶ θύσω θυσίαν αἰνέσεως·

₉τὰς εὐχάς μου τῷ κυρίῳ ἀποδώσω

ἐναντίον παντὸς τοῦ λαοῦ αὐτοῦ

₁₀ἐν αὐλαῖς οἴκου κυρίου

ἐν μέσῳ σου, Ιερουσαλημ.