PSALMI 129

Ἐκ βαθέων ἐκέκραξά σε, κύριε·

₂κύριε, εἰσάκουσον τῆς φωνῆς μου·

γενηθήτω τὰ ὦτά σου προσέχοντα

εἰς τὴν φωνὴν τῆς δεήσεώς μου.

₃ἐὰν ἀνομίας παρατηρήσῃ, κύριε,

κύριε, τίς ὑποστήσεται;

₄ὅτι παρὰ σοὶ ὁ ἱλασμός ἐστιν.

₅ἕνεκεν τοῦ νόμου σου ὑπέμεινά σε, κύριε,

ὑπέμεινεν ἡ ψυχή μου εἰς τὸν λόγον σου.

₆ἤλπισεν ἡ ψυχή μου ἐπὶ τὸν κύριον

ἀπὸ φυλακῆς πρωίας μέχρι νυκτός·

ἀπὸ φυλακῆς πρωίας ἐλπισάτω Ισραηλ ἐπὶ τὸν κύριον.

₇ὅτι παρὰ τῷ κυρίῳ τὸ ἔλεος,

καὶ πολλὴ παρ᾽ αὐτῷ λύτρωσις,

₈καὶ αὐτὸς λυτρώσεται τὸν Ισραηλ

ἐκ πασῶν τῶν ἀνομιῶν αὐτοῦ.