PSALMI 14

Κύριε, τίς παροικήσει ἐν τῷ σκηνώματί σου

καὶ τίς κατασκηνώσει ἐν τῷ ὄρει τῷ ἁγίῳ σου;

₂πορευόμενος ἄμωμος καὶ ἐργαζόμενος δικαιοσύνην,

λαλῶν ἀλήθειαν ἐν καρδίᾳ αὐτοῦ,

₃ὃς οὐκ ἐδόλωσεν ἐν γλώσσῃ αὐτοῦ

οὐδὲ ἐποίησεν τῷ πλησίον αὐτοῦ κακὸν

καὶ ὀνειδισμὸν οὐκ ἔλαβεν ἐπὶ τοὺς ἔγγιστα αὐτοῦ·

₄ἐξουδένωται ἐνώπιον αὐτοῦ πονηρευόμενος,

τοὺς δὲ φοβουμένους κύριον δοξάζει·

ὁ ὀμνύων τῷ πλησίον αὐτοῦ καὶ οὐκ ἀθετῶν·

₅τὸ ἀργύριον αὐτοῦ οὐκ ἔδωκεν ἐπὶ τόκῳ

καὶ δῶρα ἐπ᾽ ἀθῴοις οὐκ ἔλαβεν.

ὁ ποιῶν ταῦτα οὐ σαλευθήσεται εἰς τὸν αἰῶνα.