Psalmou 85

₁Trugarezuz ez oud bet Aotrou e kenver da zouar; distroet ec’h euz Iakob euz ar skla-verez.

₂Distolet ec’h euz fallagriez da bobl; goloet ec’h euz ho holl bec’heiou. Selah.

₃Lamet ec’h euz da holl vuanegez; dis-troet ec’h euz grouez da zrouk.

₄Tro ac’hanomp o Doué hor zilvidigez; ha distro da vuanegez diwar-n-omp.

₅Ha droug ez pezo ouz-omp da vikenn? hag astenna a ri da vuanegez a rumm da rumm?

₆Ha na droio te ket ouz-omp evid roi ar vuez d’e-omp; evid lakaat da bobl d’en em laouenaat enn-od?

₇Diskopez d’e-omp Aotrou da drugarez; ha ro d’eomp da zilvidigez.

₈Me a zelaouo ar pez a lavaro ann Aotrou Doué; rag hen a gomzo a beoc’h evid he bobl, hag evid he zent: hogen na zis-troent ket d’ar falla-griez.

₉Evit gwir he zil-vidigez a zo tost d’ar ré a zouj anezhan; evit e choumfé ar c’hloar enn hon douar.

₁₀Ann drugarez hag ar wirionez a zo en em gavet ho diou; ar justis hag ar peoc’h ho deuz poket ann eil d’egile.

₁₁Ar wirionez a zavô euz ann douar; hag ar justis a zello euz ann en̄v.

₁₂Ann Aotrou a roio he vadelez; hag hon douar a roio he frouez.

₁₃Ar justis a valeo enn he raok; hag hor lakaio enn he hent.