CHAB. III.
1HOGEN ar serpant a oa ar finna euz a holl anevaled ar meaziou a oa bet great gant an Aotrou Doue. Lavaret a reaz d’ar vreg: Petra! Daoust ha Doue hen defe lavaret: Ne zebrot ket euz a bep gwezen a zo er jardin!
2Hag ar vaouez a respontaz d’ar serpant: Dibri a reomp euz frouez az gwez a zo er jardin;
3mes evit frouez ar vezen a zo e-kreiz ar jardin, Doue hen deuz lavaret: Ne zebrot ket euz honnes, ha ne douchot ket outhi, gant aoun ne vec’h skoet gant ar maro.
4Neuze ar serpant a lavaraz d’ar vaouez: N’e ket an dra-ze ho lako da vervel;
5mes Doue a oar e tigoro ho taou-lagad en dervez ma tebrot outhi, hag e viot neuze evel doueou, oc’h anaoud ar mad hag an drouk.
6Hag ar vaouez a velaz e oa mad frouezen ar vezen da zibri, dudius da velet, ha talvoudec braz evit rei skiant; hag e kemeraz euz he frouez, hag e tebraz, hag e roaz ive d’he fried, a oa en he c’hichen, hag he-man a zebraz ive.
7Hag ho daou-lagad a zigoraz dezhe ho daou; hag ec’h anavezjont e oant en noaz; hag e c’hrijont deliou fiez, hag e rejont peb a c’houriz d’ho diou groazel.
8Hag e klevjont mouez an Aotrou Doue, a oa o vale dre ar jardin d’ar mare ma tistane tomder an deiz. Hag Adam hag he c’hreg en em guzaz a-zirag an Aotrou Doue e-touez ar gwez euz ar jardin.
9Hag an Aotrou Doue a c’halvaz Adam, hag a lavaraz d’ezhan: E peleac’h emoud-te? Hag Adam a respontaz:
10Klevet em euz da vouez er jardin, hag em euz bet aoun, dre ma oann en noaz, hag ez oun eat da guzat.
11Ha Doue a lavaraz; Piou hen deuz disket d’id e oaz en noaz? Ha debret ec’h euz-te euz ar vezen em boa difennet ouzid dibri outhi?
12Hag Adam a respontaz: Ar vaouez ec’h euz roet d’in da bried he deuz roet d’in euz a frouez ar vezen, hag em euz debret.
13Hag an Aotrou Doue a lavaraz d’ar vaouez: Perag ec’h euz-te great kement-se? Hag ar vaouez a respontaz: Ar serpant hen deuz va zouellet, hag em euz debret.
14Neuze an Aotrou Doue a lavaraz d’ar serpant: Pa ec’h euz great kement-se, te a vezo milliget a douez an holl loened hag a douez an holl auevaled euz an douar; en em dreina a ri var da gov, ha dibri a ri ar boultren bep dervez euz da vuez.
15Ha me a lakai kasoui da zevel etre ar vaouez ha te, etre da lignez hag he hiui: hou-man a flastro d’id da ben, ha te a c’hlazo anezhi e seul he zroad.
16Lavaret a reaz d’ar vaouez: Me a gresko da boaniou pa vezi o tougen frouez; lakaad a ri da vugale er bed e-kreiz ar poaniou, ha da zezi-rou a droio var-zu da bried, hag hen a vezo mestr varnoud.
17Ha Doue a lavaraz da Adam: Pa e peuz sentet ouz mouez da bried, ha pa e peuz debret euz frouez ar vezen divarben pehini em boa roet d’id an urz-ma: Ne zebri ket euz honnes! malloz a vezo var an douar abalamour d’id; dre boan e tenni outhi da vagadurez bep dervez euz da vuez.
18Hag an douar a roio d’id spern hag askol, hag e tebri al louzou euz ar meaziou.
19Debri a ri da vara divar c’houezen da dal, ken a zistroi en douar euz a behini oud bet tennet; rag n’ed oud nemed poultren, hag e poultren e tistroi adarre.
20Hogen Adam a roaz d’he c’hreg an hano a Eva (buez), rag mam e oa da gement den a vev var an douar.
21Hag an Aotrou Doue a reaz da Adam ha d’he chreg saeou gant krec’hin hag ho gwiskaz ganthe.
22Hag an Aotrou Doue a lavaraz: Setu au de deuet da veza henvel ouzomp e-kenver an ana-oudegez euz ar mad hag euz an drouk. Brema ’ta diwallomp ne astenfe he zorn ha na gemerfe ive euz ar vezen a vuez, ha na zeprfe euz he frouez, ha na chomfe da veva da virviken.
23Hag an Aotrou Doue a lakeaz anezhan er meaz euz ar jardin Eden da labourad an douar euz a behini e oa bet tennet.
24Kas a reaz eta an den er meaz, ha lakaad a reaz er sav-heol euz ar jardin Eden, ar cherubined gant eur c’hleze a dan, evit diwall an hent d’ar vezen a vuez.
