Psalmo 123

Me vazdav muře jakha karing tute,

Kai bešes ande le čeri.

₂Eta, sar le jakha la slugenge si thodine pe o vast lenge barenge,

Ai le jakha la slugankake pe o vast peska bariako,

Kadia amare jakha ambolden pe karing o Baro Del, amaro Del,

Žikin avela leske mila anda amende.

₃T'avel tuke mila anda amende, Baro Del, t'avel tuke mila anda amende!

Ke ame sam dosta bokhale ande o vuřitsimos;

₄Amaro duxo dosta lo bokhalo

Katar o prasaimos le barimatango, vuřitsimos katar le šere opre.