Psalmo 136

₁Luvudin le Bare Devles, ke vo si lašio,

Ke leski mila žial pe sakda!

₂Luvudin le Devles le devlengo,

Ke leski mila žial pe sakda!

₃Luvudin le Bares le barengo,

Ke leski mila žial pe sakda!

₄Kudo kai kerel le bare čudeni,

Ke leski mila žial pe sakda!

₅Kudo kai kerdias le čeri la godiasa,

Ke leski mila žial pe sakda!

₆Kudo kai thodias e phuv pe le paia,

Ke leski mila žial pe sakda!

₇Kudo kai kerdias le sogodi kai strefial,

Ke leski mila žial pe sakda!

₈O kham t'avel baro pe o dies,

Ke leski mila žial pe sakda!

₉O šiunuto ai le čeřaia t'aven bare pe e riat,

Ke leski mila žial pe sakda!

₁₀Kudo kai maladias le Egipten ande lenge mai angluni arakhade,

Ke leski mila žial pe sakda!

₁₁Ai vo ankaladias o Israel maškar lende,

Ke leski mila žial pe sakda!

₁₂Pe o vast zuralo ai pe o vast opre,

Ke leski mila žial pe sakda!

₁₃Kudo kai šindias ande dui e Maria e Loli,

Ke leski mila žial pe sakda!

₁₄Kai kerdias te nakhel o Israel maškar late,

Ke leski mila žial pe sakda!

₁₅Ai šiudias le Faraonos ai leski armia ande e Maria e Loli,

Ke leski mila žial pe sakda!

₁₆Kudo kai ningerdias peske narodos ande e pusta,

Ke leski mila žial pe sakda!

₁₇Kudo kai maladias le bare amperatson,

Ke leski mila žial pe sakda!

₁₈Kai mudardias amperatson zurale,

Ke leski mila žial pe sakda!

₁₉Sihon, amperato katar o Amoranuri,

Ke leski mila žial pe sakda!

₂₀Ai o Og, amperato anda o Bašan,

Ke leski mila žial pe sakda!

₂₁Ai dias lengo o them t'avel,

Ke leski mila žial pe sakda!

₂₂T'avel le Israelosko, leski sluga,

Ke leski mila žial pe sakda!

₂₃Kudo kai dias pe godji amende kana ame samas kovle,

Ke leski mila žial pe sakda!

₂₄Ai lias ame tela le dušmaia

Ke leski mila žial pe sakda!

₂₅Kudo kai del xamos sakones

Ke leski mila žial pe sakda!

₂₆Luvudin le Devles le čerengo,

Ke leski mila žial pe sakda!