Psalmo 149

₁Luvudin le Bare Devles!

Gjilaben ka o Baro Del jekh gjili nevi!

Gjilaben lesko luvudimos kai kjiden pe le čače!

₂Ke o Israel te veselil pe ande kudo kai vo kerdias!

Ke le šiave anda o Sion t'aven ande e veselia pala lengo amperato!

₃Ke te luvudin lesko anav khelimasa,

Ke te vestin les le tamburinensa ai le tsiturensa!

₄Ke o Baro Del si leske drago lesko narodo,

Vo vestil le čořen kai skipil len.

₅Ke le čače nirin ande pengi slava,

Ke von te phurden tsipimos veselo pe pengo than!

₆Ke le luvudimata le Devleske t'aven ande lengo mui,

Ai e xanřo kai šinel pa dui riga ande lengo vast,

₇Te keren te pokjinen le thema

Te maren le narodon,

₈Te phanden lenge amperatson lenge lansonsa

Ai lenge baren le sirmensa,

₉Te keren pe lende e kris kai si ramome!

Si jekh barimos sa leske čačenge.

Luvudin le Bare Devles!