Psalmo 43

₁De ma kris, o Del, le sama mandar pe jekh them kai či patial!

Skipisar ma katar le manuš kai athaven ai si bezexale!

₂Tu, muřo Del kai lel sama, sostar des ma tu palpale?

Sostar trubul me te phirav ande o nekazo,

Tela o pharimos le dušmanosko?

₃Trade tjiri vedaria ai tjiro čačimos!

Ke te von ningeren ma,

Ke te von ningeren ma ka tjiro svinto plai ai kai bešes!

₄Me žiava karing o altari le Devlesko, katar o Del, muři veselia ai muři bukuria.

Ai me vestiva tu pe tsitura, o Del, muřo Del!

₅Sostar peres tu, muřo duxo, ai vatis tu ande mande andre?

Ažiuker ande o Del, ke mai luvudiva les;

Vo si muřo skipimos ai muřo Del.