1Ka o birevo kudalengo kai gjilaben. Le flutensa. Psalmo le Davidoske.
2Tho kan ka muře vorbi, o Baro Del!
Ašun muře bulguilmos!
3Le sama katar muře tsipimata, muřo amperato ai muřo Del!
Tuke phenav muřo řudjimos.
4Baro Del! diminiats tu ašunes muřo hango;
Diminiats ambolda ma karing tute, ai ažiukerav.
5Ke tu či san jekh Del kai si tuke drago o nasulimos;
O nasul nai les kai te bešel paša tute.
6Le dile či řibdin angla tjire jakha;
Tu vuřitsis sa kudalen kai keren o nasulimos.
7Tu xasares le xoxamnen;
O Baro Del šiadel le manušen katar o rat ai katar o athavimos.
8Numa me, katar tjiri bari mila, me žiav ka tjiro kher,
Me kloni ma ande tjiro svinto templo darasa.
9Baro Del! ninger ma ande tjiro čačimos, pala muře dušmaia,
Lašiar tjiri vurma angla mande.
10Ke nai čačimos ande lengo mui;
Lengo ilo si pherdo xitria,
Lengo taloi si jekh groapoševo puterdo,
Ai len si le pe e šib vorbi kai diliaren.
11Malav le sar došale, o Del!
Ke von peren pala so von kamen!
Šiude le maškar lenge bezexa bi gjinde!
Ke von buntuisaile pe tute.
12Atunči sa kudala kai dine pe tuke veselina pe,
Von avena veselime pe sakda, ai tu lesa sama lendar;
Tu avesa jekh diela veselimaski
Sa kudalenge kai kamen tjiro anav.
13Ke tu svintsos kudales kai si vorta, o Baro Del!
Tu ankolis les dragosa sar jekhe fedevosa.
