Psalmo 61

₂O Del! ašun muře tsipimata,

Le sama ka muřo řudjimos!

₃De anda o gor la phuviako me tsipiv pe tute, o ilo tele;

Ninger ma pe o bař kai naštiv t'astarav les!

₄Ke tu san mange jekh kai garadiovav,

Jekh turno zuralo, angla o dušmano.

₅Me kamlemas te bešav sakda ande tjiri tseřa,

Te garadiovav tela tjire phaka.

₆Ke tu, o Del! tu keres pe muři,

Tu des ma te lav kai si kudalen kai daran katar tjiro anav.

₇Tho diesa ka le dies le amperatoske;

Ke leske berš bution pe sakda!

₈Ke te bešel pe o skamin amperatisko angla o Del!

Ker ke tjiro mištimos ai tjiro čačimos t'arakhen les

₉Atunči me gjilabava bi te terdiovav tjiro anav,

Kerava sako dies so phendem.