1Ka o birevo kudalengo kai gjilaben. Psalmo le Davidoske.
2O Del, ašun muřo hango, kana vativ ma!
Le sama katar muřo traio katar o dušmano kai darav lestar!
3Le ma sama te na peraven ma le nasul,
Katar e trupa buntuimaski le manušengi bezexale!
4Von skutson pengi šib sar jekh xanřo,
Von tsirden sar sulitsi penge vorbi griatsa,
5Te tsirden čoral pe kon nai došalo;
Von tsirden pe leste bi te dikhel, ai nai le či jekh dar.
6Von zuriaren pe ande pengo nasulimos:
Von den pe duma sar te thon kletki,
Von phenen: Kon dikhela le?
7Von den pe duma te mudaren:
Eta ame gata, sa si gata!
O gindo lengo, o ilo sakonesko si jekh hunia.
8O Del tradel pe lende peske sulitsi:
Strazo le von malade.
9Lengi šib perardias le;
Sa kudala kai dikhen le miškin o šero.
10Sa le manuš lias le e dar,
Von phenen so o Del kerel,
Ai len sama ka leski butji.
11O vorta veselil pe ande o Baro Del ai rodel ande leste kai te garadiol,
Sa kudala kai si lengo ilo vorta vestin pe.
