Psalmo 70

₂O Del, gribisavo te skipis ma!

Baro Del, gribisavo te ažutis ma!

₃Ke t'aven lažiavarde ai tele, kudala kai kamen te len muřo traio!

Ke te den palpale ai te lolion, kudala kai kamen te xasavav!

₄Ke te den palpale lažiavestar,

Kudala kai phenen: A! A!

₅Ke kudala kai roden tu t'aven ande e veselia ai te veselin pe ande tute!

Ke kudala kai drago lenge tjiro skipimos

Te phenen sakda: Vestime t'avel o Del!

₆Me, me sim čořo ai prosto:

O Del, gribisavo anda mande!

Tu san kai ažutis ma ai muřo skipitori:

Baro Del, av sigo!