1Kudo kai bešel garado tela o Mai Vučo
Hodinil tela e ušialin katar o Mai Zuralo.
2Me phenav ka o Baro Del: Muřo garaimos ai mořo armia,
Muřo Del kai te me dav ma!
3Ke vo skipil tu katar e setka le čirikliangi,
Katar o pono ai leske nasvalimata.
4Vo vušarela tu peske porensa,
Ai tu arakhesa jekh than kai te garadios tela leske phaka;
Lesko čačimos si jekh fedevo ai jekh tsalia sastruni.
5Tu či darasa či le dara la riatiake,
Či e sulitsa kai vuriar diesel,
6Či o pono kai phirel ande o tuniariko,
Či kai pherdiol pe kai malavel o mismeri.
7Ke jekh mia te peren paša tute,
Ai deš mii pe tjiro čačo,
Či astarena tut;
8Pa tjire jakha ferdi dikhesa,
Ai tu dikhesa so dena le nasulen.
9Ke tu san o than kai me garadiovav, o Baro Del!
Tu keres anda o Mai Vučo kai garadios.
10Či nasulimos či avela pe tute,
Či jekh dukh či pašiola paša tjiri tseřa.
11Ke vo dela ordina ka peske andželi
Te arakhen tu pe sa tjire vurmi;
12Von ningerena tu pe le vast,
Daratar ke tjiro punřo te na malavel jekh bař.
13Tu phiresa pe o liono ai pe o aspiko,
Tu inčaresa le lionutsos ai le šerkanos.
14Sar vo kamel ma, me skipiva les;
Me lava sama lestar, sar vo žianel muřo anav.
15Vo akharela ma, ai me dava les anglal;
Me avava lesa ande o nekazo,
Me skipiva les ai me vestiva les.
16Me pravarava les lungo diesensa,
Ai me sikava leske muřo skipimos.
