Psalmo 92

₂Šukar si te luvudis le Bare Devles,

Ai te vestis lesko anav, o Mai Vučo!

₃Te phenes diminiats tjiri dragostia,

Ai tjiro čačimos le riatia,

₄Pe le strumenturia kai si le deš šele ai pe o luto,

Pe o bašimos la tsiturako.

₅Tu veselis ma katar tjire butia, o Baro Del!

Ai me gjilabav veselimasa e butji tjire vastengi.

₆Ke tjire butia si bare, o Baro Del!

Ke tjire ginduri si andre!

₇O manuš dilo či žianel khanči,

Ai o dilo či lel sama.

₈Ke te le nasul barion sar e čar,

Sa kudala kai keren nasul si le luludia, Si t'avel phařade pe sakda.

₉Numa tu, tu san o Mai Vučo,

Pe sakda, o Baro Del!

₁₀Ke eta, tjire dušmaia xasavon;

Sa kudala kai keren o nasul si phařade.

₁₁Ai tu des ma e zor katar o guruv;

Me sim kingo katar o švežo zetino.

₁₂Muři jakh drago lake te dikhel muře dušmanon,

Ai muřo kan ašundias muře nasul dušmanon.

₁₃Le baria barion sar o palma

Von ušten sar o sedro anda o Libano.

₁₄Thon ande o kher le Bare Devlesko,

Von butiona ka le vudara amare Devlesko;

₁₅Von mai den fruti ande penge phurimata,

Von si pherde simintsa ai zelenin,

₁₆Te keren te žianen ke o Baro Del si vorta.

Vo Si muřo bař, ai nai ande leste bezex.