PSALMI 119

Πρὸς κύριον ἐν τῷ θλίβεσθαί με

ἐκέκραξα, καὶ εἰσήκουσέν μου.

₂κύριε, ῥῦσαι τὴν ψυχήν μου ἀπὸ χειλέων ἀδίκων

καὶ ἀπὸ γλώσσης δολίας.

₃τί δοθείη σοι καὶ τί προστεθείη σοι

πρὸς γλῶσσαν δολίαν;

₄τὰ βέλη τοῦ δυνατοῦ ἠκονημένα

σὺν τοῖς ἄνθραξιν τοῖς ἐρημικοῖς.

₅οἴμμοι, ὅτι ἡ παροικία μου ἐμακρύνθη,

κατεσκήνωσα μετὰ τῶν σκηνωμάτων Κηδαρ.

₆πολλὰ παρῴκησεν ἡ ψυχή μου.

₇μετὰ τῶν μισούντων τὴν εἰρήνην ἤμην εἰρηνικός·

ὅταν ἐλάλουν αὐτοῖς, ἐπολέμουν με δωρεάν.