Psalmou 30

₁Da uc’heleet meur-bed a rinn O Aotrou; O veza ma ec’h euz va zavet, ha n’ec’h euz ket lekeat va enebourien d’en em laouenaat diwar va fenn.

₂Aotrou va Doué etrezeg enn-od em euz kriet, hag ec’h euz va fareet.

₃Tennet ec’h euz Aotrou va ené euz ar bez: va dieubet ec’h euz a zouez ar ré a ziskenn er poull.

₄Meulit ann Aotrou enn ho kanouennou, c’houi he zent: hag ansavit ar C’houn euz hé zantelez.

₅Rag he vuanegez na had nemed eunn nebeud amzer; hogen ar vuez a zo enn hé vadelez: Ann daerou a hell heza evid ar pardaez, hogen al le-venez a zeu dioc’h ar mintin.

₆Hogen me em euz lavaret em founder: bikenn na vezinn horjellet.

₇Dre da vadelez Aotrou ec’h euz great va mené stard: da zaoulagad ec’h euz distroet diouz-in, hag ounn bet strafilet.

₈Etrezeg enn-od em euz kriet o Ao-trou; ha great em euz va feden d’ann Aotrou.

₉Da hetra e talvo va goad pa ziskenninn er bez? Hag ar poultr az meulo, pe a em-banno da wirionez?

₁₀Klev, Aotrou hag az pez truez ouzin; Aotrou deut d’am diwallout.

₁₁Troet ec’h euz va c’haon e dudi; roget eo bet va zac’h gan ez, hag ec’h euz va gwisket a levenez.

₁₂Evit ma kaninn d’id em c’hloar, ha ne vezinn mui glac’haret. Aotrou va Doue, da veuli a rinn da vi-kenn.