1Ka o birevo kudalengo kai gjilaben. Pala o Gittit. Psalmo le Davidoske.
2Baro Del, amaro Baro!
Ke tjiro anav t'avel šukar pe sa e phuv!
Tjiri amperetsia uštili opral le čeri.
3Katar o mui le šiavořengo ai kudala kai si ka e čuči
Tu thodian tjiro barimos, te sikaves tjire dušmanonge,
T'ašiaves le dušmanos ai kudales kai rodel nasul.
4Kana dikhav tjire čeri, butji tjire naiengi,
O šiunuto ai le čeřaia kai tu kerdian;
5So si o manuš, te des tu tut godji leste?
Ai o šiav katar o manuš, te les tu sama lestar?
6Tu kerdian les tsiřa mai tele katar jekh del,
Ai tu dian les kurona ai šukarimos.
7Tu dian les t'avel baro pe so tu kerdian tjire vastensa,
Tu sa thodian tela leske punře,
8Le bakriořa san le guruva,
Ai le žigeni anda le kimpuri,
9Le čiriklia anda o čeri ai le maše anda e maria,
Sogodi phiren pe le vurmi la mariake.
10Baro Del, amaro Baro!
San tjiro anav si šukar pe sa e phuv!
