Psalmou 147

₁Meulit ann Aotrou: rak mad eo kana meu-leudiou d’hon Doué; eunn dra gaer eo, hag ar veuleudi a zo dleet d’ezhan.

₂Ann Aotrou eo a zav Ieruzalem; hen eo a zastumo bugale Israel a zo skinet.

₃Hen eo a iac’ha ar ré a zo brevet ho c’haloun.

₄Hen eo a c’hoar niver ar stered; hag a c’halv pep hini anezho dré he hano.

₅Braz eo ann Ao-trou, ha braz he nerz; ha divent eo he furnez.

₆Ann Aotrou a zi-fenn ar ré gûn; hogen diskar a ra ar bec’he-rien ken izel hag ann douar.

₇Kanit pep-eil d’ann Aotrou oc’h he veuli-kaer; kanit d’hon Doué war ann delen.

₈Hen eo a c’holo ann env a c’hoabr; hag a aoz ar glao evid ann douar; hen eo a laka da zevel ar foenn war ar menesiou.

₉Hen eo a ro d’al loened ar boed a zo mad d’ezho, ha d’ar brini bihan a c’hri etrezeg enn-han.

₁₀Né fell ket d’ez-han nerz ar marc’h: na ne gar ket ann den a zo he skor he zives-ker d’ezhan.

₁₁Hetuz eo d’ann Aotrou ar ré a zouj anezhan, hag ar ré a laka he fisians enn-han.

₁₂Ieruzalem meul ann Aotrou, Sion meul da Zoué.

₁₃O veza ma en deuz kreveet prennou da zoriou; ha ma eu deuz benniget ar vu-galé a zo enn-od.

₁₄Hen eo en deuz lekeat ar peoc’h beté da harzou, hag a ro d’id da wal’ch euz a flour gwiniz.

₁₅Hen eo a gas he c’hourc’hemen dré ann douar, he c’her a red buan.

₁₆Hen eo a ro erc’h evel gloan; reo gwen a damoez evel ludu.

₁₇Hen eo a gâs he skoum evel tammou-igou; piou a hello her-zel dirag he ienen?

₁₈Kas a ra he c’her, hag e teuz anezho; he avel a c’houez hag ann doureier a red.

₁₉Hen a ro da ana-out he c’her da Iakob; he gelennou hag he vamedigezou da Israel.

₂₀N’en deuz ket great eunn hevelep tra e kenver ann holl vroadou; ha n’en deuz ket roet da anaout d’ezho hé varnedige-zou. Alleluia.